Roknistykkið undan seinasta umfarið

Tað skal nógv til fyri at Føroyar vinna seg til millumumfarið í EM-endaspælinum. Føroyar skulu vinna móti Póllandi og Noreg skal tapa móti Slovenia. Hartil skulu Føroyar vinnar 14 mál inná Noreg, sum hevur góða málúrtøku eftir 11 málssigurin á Póllandi.

Hetta merkir, at vinna Føroyar t.d. 7 málum móti Póllandi og Noreg tapir við 7 málum móti Slovenia, so eru liðini á jøvnum og fleiri skoraði mál koma at avgerða. Um Føroyar í hesum førðinum vinna við 8, og Noreg tapir við 7, so koma Føroyar við vissu víðari.

Hepnast hetta ikki, so hevur ein sigur á Póllandi allíkavæl sera nógv at siga. Hetta í mun til styrkismetingina til komandi HM play-off dystirnar, sum verða í mai mánaði. Har er tað stórur munur á, um man kemnur í pott 1 ella 2. Enn ein orsøk at stuðla okkara monnum á sama fantastiska hátt, sum føroyska fjøldin gjørdi leygarkvøldið. Upphitingin hesuferð er flutt og verður í Haubentaucher.

Habentaucher liggur bara 1 km frá Mercedes-Benz Arena, tvs. eini 15 min. til gongu. Upphitingin er frá kl. 14-17. Eyðun & Terji og RSP koma aftur at spæla.

Nær: kl. 14-17

Hvar:
Haubentaucher
Revaler Str. 99
10245 Berlin

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni