Møta BosniaHersegovina ella Kosovo

A-landsliðið hjá monnum skal møta vinnaranum av play-off-dystunum millum BosniaHersegovina og Kosovo. Føroyar møta vinnaranum í mai, har vinnarin yvir tveir dystir, ein úti og ein heima, kemur til HM-endaspælið í Týsklandi.

Í dag var lutakastið um hvørjum A-landsliðið hjá monnum skal møta í seinasta umfarinum av HM-undankappingini. Føroyar trektu vinnaran av play-off dystunum millum BosniaHersegovina og Kosovo. Hesir dystirni verða í mars. Hvørgan liðið vann seg til EM-endaspælið, sum Føroyar júst hava luttikið í. Føroyar vóru í bólki saman við Kosovo og vunnu báðar dystirnar, hin fyrra á heimavølli 32-21 og hin seinna á útivølli, 25-23. BosniaHersegovina endaði aftast í sínum innleiðandi bólki, aftanfyri Ísland, Georgia og Grikkaland. Teir vunnu tann eina dystin móti Grikkalandi og fingu harvið tvey stig.

Fyrri dysturin verður á útivølli miku- ella hósdagin 13./14. mai, meðan seinni verður Við Tjarnir leygar- ella sunnudagin 16./17. mai. Samlaði vinnarin yvir teir tveir dystirnar kemur í HM-endaspælið, sum verður leikt í Týsklandi í januar 2027.

Samlaða lutakastið sær soleiðis út:
Norðurmakedonia – Ukraina/Slovakia
BosniaHersegovina/Kosovo – Føroyar
Kekkia – Frakland
Sveis – Italia
Finnland/Montenegro – Slovenia
Serbia/Litava – Ungarn
Spania – Georgia/Ísrael
Grikkaland/Belgia – Niðurlond
Noreg – Turkaland/Rumenia
Eysturríki – Pólland/Lettland

Harumframt luttaka í HM-endaspælinum úr Europa, vertslandið Týskland, og verandi HM-vinnarar Danmark. Hartil ovastu fýra londini úr EM-endaspælinum, Kroatia, Ísland, Portugal og Svøríki.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni