Taptu fyrra dystin móti Ukraina

Føroyar taptu við ellivu málum móti Ukraina í Kiev í kvøld. Úrslitið var 30-19. 

Føroyar byrjaðu væl og høvdu leiðsluna til 7-6. Álopsspælið var gott, men tað haltaði í verjuni. Hetta varð ikki rættað stórvegis upp uppá, og sum fyrri hálvleikur leið, byrjaðu ukrainar at draga frá. Hálvleiksstøðan var 17-12.

Sama gongdin helt fram í seinna hálvleiki, har ukrainar høvdu í so lætt við at koma til skot. Hetta ávirkaði eisini føroyska álopsspælið, sum stundum var sera stirvið, umframt at opnir málmøguleikar vórðu brendir.

Tað gjørdi ikki støðuna frægari, at ukrainsku áskoðararnir róptu “buuh” hvørja ferð Føroyar vóru í álopi, umframt at tveir hallarspeakarar koyrdu á heimaliðið.

Leygardagin ber til at fáa uppreisn, tá Føroyar og Ukraina bresta saman í Royal Arena í Keypmannahavn, har væntandi 3.000 føroyskir áskoðarar fara at heppa á leikararnar.

Málskjúttar:
Jónas G. Djurhuus, 5
Niklas Selvig, 5
Kjartan Johansen, 4
Peter Krogh, 3
Rói Berg Hansen, 1
Hans Eli Sigurbjørnsson, 1

 

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni