Tryggur sigur til Føroyar

U18-landsliðið við monnum vann sannførandi á Litava í morgun. Føroyar vunnu 34-23.

Føroyar løgdu hart fyri og eftir fimm minuttir var støðan 5-1 til Føroyar.

Litava valdi at mansverja Elias á Skipagøtu, samstundis sum teir spældu sjey móti seks. Tað órógvaði føroyska spælið og litavar fingu hálað seg upp á 12-11, men føroyingarnir raknaðu við aftur og drógu frá. Tá farið var til hálvleiks var støðan 18-14 til Føroyar.

Litava royndi sama taktikk í seinna hálvleiki, men tað vísti seg ongantíð veruliga at eydnast, tí fleiri á føroyska liðnum tóku ábyrgd, millum annað bakkarnir, Pauli Mittún og Heini á Heygum.

Miðskeiðis í seinna hálvleiki skrædnaði av álvara og tað var bara spurningur um málmun.

Pauli Jacobsen stóð aftur í dag sum ein brandur í málinum og varð valdur til dagsins leikara.

Hósdagin skulu Føroyar spæla móti Sveis. Um føroyska U18-landsliðið skal vinna sær víðari atgongd til hálvfinalurnar, skulu teir vinna á Sveis, og Luksemburg skal tapa móti Litava ella Estlandi.

Málskjúttar:
Hákun Vest av Teigum, 7
Pauli Mittún, 6
Heini á Heygum, 5
Tróndur Mikkelsen, 4
Elias á Skipagøtu, 4
Pauli Jacobsen, 2
Martin Danielsen, 1
Høgni Fríðuson Gaard, 1
Julian Kragesteen, 1
Ivan Mrdalo, 1
Dánjal Ragnarsson, 1
Jónas Rasmussen, 1

 

Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.