Nú í páskavikuni savnast fleiri av okkara yngri landsliðum til venjingar. U08-kvinnur, U06-kvinnur og U06-menn eru saman og fyrireika seg til sínar ymsu uppgávur í summar.
Felagið BK Ydun úr Danmark er eisini í Føroyum á vitjan og skulu tær spæla trýggjar venjingardystir móti U08-kvinnulandsliðnum
Dystirnir vera spældir hesar dagar.
Mánadagin, 25. mars, kl 18.15, Hoyvíkshøllin
Mikudagin, 27. mars, kl 17.15, Høllin á Argjahamri
Hósdagin, 28. mars, kl 18.30, Høllin á Hálsi
Fleiri spennandi uppgávur bíða føroysku ungdómslandsliðunum. Øll U-landsliðini skulu spæla móti Íslandi 1. og 2. juni. U08-kvinnur skulu seinni til Svøríkis at spæla sínu fyrstu almennu kapping, European Open, í døgunum 1. – 5. juli. U06- og U04-menn skulu spæla EM-endaspøl. U04-mennirnir fara til Slovenia í døgunum 10. – 21. juli, har teir eru í bólki saman við Spania, Fraklandi og Sveis. U06-menn skulu spæla í Montenegro í døgunum 7. – 18. August, og eru teir í bólki saman við Íslandi, Montenegro og Italia.
