U17-menn: Endaðu á 10. plássið

Føroysku U17-menninir taptu dystin um 9. pláss í European Open í dag. Kekkia vann dystin 23-21, eftir at Kekkia var frammanfyri 10-9 í hálvleikinum. Harvið endaðu Føroyar sum nummar 10 av 20 liðum í ársins European Open.

Tað var Kekkia, sum legði seg á odda í dystinum. Føroyska liðið gjørdi nógvar tekniskar villur fyrstu løtuna og verjan fekk ikki fatur á kropssterku kekkunum. Føroyingarnir ernaðust tó spakuliga í leypi av hálvleikinum og stóð verjan betri saman við einum sera vælleikandi Bjarna Gunnarson Jacobsen í føroyska málinum. Liðini fóru til hálvleiks við 10-9 til Kekkia.

Føroyska liðið hevði møguleikar at spæla upp við kekkum í seinna hálvleiki, men vóru nógvar marginalar støður, sum ikki fullu í okkara lut. Filip Haldansen, sum vanliga spælir høgri bakkur, mátti spæla á vonginum, tí báðir vengurnir, William Djurhuus og Magnus Árason sótu uttanfyri við skaða. Hetta gjørdi hann væl, tí hann skoraði uppá allar sínar 6 royndir og bleiv føroyskur toppskjútti í dag. Kekkar vóru á odda allan hálvleikin, og komu okkara ongantíð uppá javnt og endaði tað við at Kekkia vann við tveimum málum, 23-21.

Føroyar endaðu hervið nr. 10 av 20 liðum í European Open. Hetta er bert aðru ferð at Føroyar eru endaðar í topp 10 í kappingini. Føroyar vunnu kappingina í 2019. Føroyar vunnu tríggjar dystir í kappingini, leiktu tríggjar javnar og taptu tveir.

Úrslitini hjá Føroyum vóru hesi:
Føroyar – Finnland 14-12
Holland – Føroyar 18-24
Ísrael – Føroyar 17-17
Føroyar – Spania 17-22
Litava – Føroyar 27-31
Føroyar – Noreg 27-27
Belgia – Føroyar 21-21
Kekkia – Føroyar 23-21

Sí annars úrslit, støður og alt um kappingina her: M17 European Open (eurohandball.com)

Málskjúttar Kekkia – Føroyar
Filip Haldansen 6
Lýðar í Dímun 4
Fríði Holm í Innostovu 3
Jákup Egholm 3
Haraldur Karlsson 2
Jógvan Andrias Lamhauge 1
Helgi Haldórsson 1
Torkil Dahl 1

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.