U17-menn: Framúr dystur móti Hvítarusslandi

Føroysku U17-dreingirnir spældu ein fantastiskan dyst móti Hvítarusslandi í hálvfinaluumfarinum í European Open. Okkara vunnu heili 32-21, eftir 19-9 í hálvleikinum.

Tað var eitt serstakliga tendrað føroyskt lið, sum møtti til dystin. Verjan stóð sera væl við Viktor Gaini á odda og Pauli Jacobsen var sum ein múrur í málinum. Elias á Skipagøtu var flúgvandi í álopinum og fóru okkara frá 5-4 eftir 7 minuttir til 10-4 og so heilt uppá 19-9, sum var hálvleiksstøðan. Tað var serliga hesin seinni parturin av fyrra hálvleiki, sum vann okkum dystin.

Góða verjuspælið helt áfram í seinna hálvleiki. Okkara vóru ágrýtnir og bakkaðu hvønn annan sera væl upp móti stóru hvítarussunum. Aftanfyri stóð Pauli væl í málinum, og kastaði hann eisini væl út til skjótálop, sum vit fingu fleiri av.

Føroyar hava nú 4 stig í hálvfinalubólkinum, og er tað bert Ungarn, sum kann koma á sama stigatal. Fyri at náa hesum skulu teir vinna á Spania nú fyrrapartin og móti Føroyum seinnapartin kl. 14.45. FM1 sigur eisini frá tí dystinum og verður hann stroymdur á EHFtv.com.

Málskjúttar hjá Føroyum:
Elias Ellefsen á Skipagøtu 11
Hákun West av Teigum 6
Janus Dam Djurhuus 4
Rói Ellefsen á Skipagøtu 3
Pauli Mittún 3
Sveinur Olafsson 2
Viktor Gaini 2
Baldur Gillason 1
Bogi Hansen 1

Yvirlit yvir dystir og úrslit sæst her:
http://eurohandball.com/eopen/17/men/2019/round/1/Preliminary+Round

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni