U17 tapti hálvfinaludystin

Føroysku U17 hondbóltskvinnurnar taptu hálvfinaludystin ímóti Niðurlondum fyri løtu síðani við trimum málum, 24-21.

Niðurlond varð mett at vera sterkasta liðið undan kappingini, so tí var greitt, at tað fór at vera ein trupul dystur at vinna, men føroysku kvinnurnar góvu niðurlendska liðnum hvassa mótstøðu.

At kalla alla dystin á tamb vóru eitt og tvey mál á muni, og ongantíð meira enn trý mál. Hálvleiksstøðan var 11-10.

Síðstu minuttirnar skrædnaði, tá ið Føroyar brendu nakrar fríar møguleikar og vórðu revsaðar við skjótálopi og einum bólti frá mótstøðuhálvuni og í tómt føroyskt mál.

Føroysku kvinnurnar skulu spæla um bronsuna ímóti annaðhvørt Ukraina ella Serbia sunnudagin.

Dystargongdin:
Niðurlond – Føroyar
5 min. 3-0
10 min. 4-3
15 min. 5-5
20 min. 9-6
25 min. 11-8
30 min. 11-10
35 min. 13-11
40 min. 15-14
45 min. 16-15
50 min. 18-17
55 min. 20-18
60 min. 24-21

Málskjúttar:
Lukka Arge 8 (8)
Maria Pálsdóttir Nólsoy 4
Bjørk Franksdóttir Joensen 3
Karina Debes Heinesen 2
Karin Egholm 2
Lea Mohr 1
Anna Elisabet Halsdóttir Weyhe 1

Málverjin, Silja Arngrímsdóttir Múller varð kosin dagsins leikari hjá Føroyum.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni