U18-kvinnur: Tryggur sigur á Kasakstan

Føroysku U18-kvinnurnar vunnu ein tryggan 31-22 á Kasakstan í dag, eftir hálvleiksstøðuna 17-12 til Føroyar.


Í mun til dystin móti India, var Kasakstan eitt lið, sum í størri mun spælir hondbólt, sum vit kenna hann í Europa. Hetta tóktisk føroyska liðið tryggari við.

Tað var eyðsæð, at føroyska liðið vildi seta seg á dystin beinanvegin. Leikferðin var høg og vunnu okkara seg 5 mál fram um beinanvegin í dystinum, áðrenn Kasakstan náddi at vakna. Um miðjan seinna hálvleik gekk heldur strilti einu løtuna og vóru okkara við at loyva kasakum innaftur í dystin, tá leiðslan minkaði niður í 4 mál. Eftir eitt time-out, settu okkara tó ferð á aftur og lukkaðu dystin við 9 máls sigri.

Besti leikari í dystin var kosin Maria Pálsdóttir Nólsoy.

Føroyska liðið er enn við í dystinum um plássini 17-20 í kappingini og møta okkara Spania sunnudagin kl. 11.00

Málskjúttar hjá Føroyum:
Lukka Arge 10
Inga Maria Joensen 5
Maria Pálsdóttir Nólsoy 4
Lea Mohr 2
Karin Egholm 2
Barbara Hammer 2
Silja Heðinsdóttir 2
Anna Sigrunadóttir Mikkelsen 1
Sára Sigrunadóttir Mikkelsen 1
Karina Debes Heinesen 1
Hanna Jakobsdóttir Dalsgaard 1

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni