Upplegg og íblástur við Claus Dalgaard-Hansen

Kom og hoyr um royndirnar hjá Claus Dalgaard-Hansen og fá íblástur til venjing. Hósdagin 29. mai verður fyrilestur og íblástrarvenjing við viðurkenda danska venjaranum Claus Dalgaard-Hansen.

Claus er av einum av royndastu og kendu venjara- og talentmennarum í norðanlondum. Claus hevur verið virkin í hondbóltsheiminum í fleiri áratíggju og hevur drúgvar royndir sum venjari hjá børnum, ungum og vaksnum. Frá 2008 til 2018 var hann ungdómslandsliðsvenjari og talentstjóri í Danska hondbóltssambandinum. Hann hevur hartil verið hjálparvenjari hjá danska A-landsliðnum hjá monnum. Seinastu árini hevur hann virkað sum talentmennari fyri Norska hondbóltssambandið, har hann bæði arbeiðir beinleiðis við leikarum og við at styrkja menningararbeiðið hjá feløgum kring landið. Claus er eisini kendur fyri áhaldandi at virka fyri nøkrum grundleggjandi hugsjónum um at síggja íðkarar sum “heil menniskju” – ikki bara sum ítróttafólk og at virka fyri at skapa trygg, kveikjandi og mennandi venjingarumhvørvi, og at varpa ljósa á týdningin av samstarvi millum feløg, útbúgvingarstovnar, foreldur og sambond fyri at tryggja eina heildarmenning av ungum íðkarum.

Uppleggið eitur ”Trý ár í Noreg – greining og íverksetan”, meðan venjingin leggur dent á ”einstaklingaverjuspæl – vurderingsspæl og krosspæl”.

Skráin fyri kvøldið, sum verður í Høllini á Argjahamri sær soleiðis út:

  • 18.30 – 19.30 Upplegg
  • 19.30 – 21.00 Íblástrarvenjing

Melda til her.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni