Ven saman við landsliðnum

Kvinnulandsliðið savnast komandi viku til venjingar, sum liður í fyrireikingunum til HM-undankappingardystirnar móti Litava, ið vera ávíkavíst 9. og 13. apríl 2025.

Í samband við, at kvinnurnar eru savnaðar í Føroyum í tíðarskeiðinum frá 3. til 8. mars 2025 vilja vit fegin bjóða øllum U8 (fødd árgang 2016) leikarum í Føroyum til eina venjing saman við landsliðnum týsdagin 4. mars 2025.

Venjingin verður í nýggi stórhøllini við Tjarnir, har børnini fáa møguleika at bæði venja saman við landsliðsleikarnum og møguleikan fyri at royna, hvussu tað er at venja á nýggja tjóðarleikvøllinum hjá Føroyum.

Venjing við U8 børnum verður týsdagin, 4. mars 2025, frá kl. 17:30 til 18:30 við Tjarnir. Luttakarar møta kl. 17:15.

Tað er ókeypis at luttaka, men neyðugt er at melda til áðrenn, so vit hava møguleika fyri at skipa eina góða venjing. Meldið til her.

Freistin at melda til er sunnudagin, 2. mars 2025 á miðnátt.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni