Starvsnevndin og kappingarnevndin hjá HSF hava seinastu tíðina viðgjørt truplu korona-støðuna í mun til landskappingina. Vónin er enn at gjøgnumføra kappingina og finna FM-vinnarar í bestu deildunum.
Evsta mark fyri at gjøgnumføra kappingina í bestu deildunum er ásett at vera 1. juni. Kappingarnar í barnadeildunum og næstbestu deild vera ikki avgreiddar og vera vinnararnir funnir við sama leistinum, sum er nýttur í Noregi, har rokna verða flest stig vunnin fyri hvønn dyst. Endaspølini í niðaru bólkunum í fremstu deildunum verða heldur ikki leikt.
Fortreytin fyri uppskotinum er, at feløgini fáa atgongd til hallirnar aftur og kunnu hava regluligar venjingar, og at heilsumyndugleikarnir hava boðað frá, at tað er ráðiligt at kontaktítróttur verður íðkaður.
Arbeitt hevur verið við trimum ymiskum leistum og tíðarrammum, alt eftir nær feløgini sleppa inn í hallirnar aftur:
- Hallirnar lata upp aftur 14. apríl 2020
- Hallirnar lata upp aftur 1. – 4. mai 2020
- Hallirnar lata upp aftur seinni enn 4. mai 2020
HSF kemur at boða frá aftur, so skjótt vit hava fingið nærri boð frá frá landsins myndugleikum.
