Vóru við allan vegin

Føroyar vóru við so at siga allan dystin móti Slovenia, men ein vánalig løta í seinna hálvleiki seldi dystin til slovenar, sum vunnu 32-29, eftir javnleik 13-13 í hálvleikinum.

Væluppløgdu føroysku áskoðararnir vóru stóru vinnararnir í dag. Áleið 5.000 í talið stuðlaðu teir okkara monnum heilt ótrúliga. Hvítklædda fjøldin lyfti og stuðlaði okkara monnum frá byrjan til enda – heilt fantastiskt!

Føroyska liðið stóð seg væl í fyrra hálvleiki, og var munurin ongantíð meira enn tvey mál hvønn vegin. Okkara hildu slovenar niðri á 13 málum og høvdu gott tak á stjørnupælaranum á miðjuni hjá Slovenia, Dean Bombac. Føroyska álopsspælið koyrdi hampuliga væl, men vóru eisini ónollur við brendum skotum og tekniskum villum. Føroyar kundi væl havt verið frammanfyri í hálvleikinum, høvdu okkara verið neyvari.

Føroyar byrjaðu seinna hálvleik væl og vóru eitt skifti á odda 17-15. Stígur kom tó tíverri í næstu løtuna og vóru tað slovenar, sum nú runnu undan. Kviki spælskiparin Miha Zarabec kom inn í seinna hálvleiki, og hevði føroyska verjan stórar trupulleikar av honum. Slovenar vóru frammanfyri 28-23, tá tað restaðu 10 minuttir, men megnaðu okkara tó at minka um munin aftur. Við eitt sindur av hepni kundi tað havt blivið heilt spennandi, men stórir kjansir vóru tíverri brendir seinastu løtuna.

Eftir dystin var Hákun West av Teigum kosin besti leikari í dystinum. Hákun spældi ein frálíkan dyst á høgra vongi við 9 málum í 11 royndum.

Næsti dystur hjá Føroyum er leygardagin móti Noreg, sum í dag bukaði Pólland av 32-21. Dysturin byrjar kl. 20.30 lokala tíð, 19.30 føroyska tíð.

Dystargongdin:
5 min: 2-1
10 min: 5-4
15 min: 6-6
20 min: 7-8
25 min: 10-10
30 min: 13-13
35 min: 16-15
40 min: 19-21
45 min: 21-24
50 min: 23-28
55 min: 27-29
60 min: 29-32

Føroyskir málskjúttar:
Elias Ellefsen á Skipagøtu 9 (3)
Hákun West av Teigum 9
Teis Horn Rasmussen 3
Óli Mittún 2
Vilhelm Poulsen 2
Tróndur Mikkelsen 2
Leivur Mortensen 1
Rói Berg Hansen 1

Bjargingar:
Pauli Jacobsen 9/32 (28 prosent)
Nicholas Satchwell 1/8

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni