Ivasamt avrik móti Kosovo

Kvinnulandsliðið rakti ikki dagin, tá tær taptu 27-24 fyri Kosovo í dag. Dysturin kendist sum ein long niðanbrekka, har fá ting riggaðu og fáir marginalar koppaðu til okkara.

Føroyska liðið byrjaði dystin heldur trilvandi. Glið kom ongantíð veruliga á álopsspælið og verjan hekk illa saman. Okkara kláraðu ikki at halda ein móti einari og var tað serliga Leonora Demaj úr danska felagnum Ringkøbing, sum gjørdi um seg. Hon skjeyt 8 mál í fyrra hálvleiki. Í føroyska álopinum vóru ov nógvar villur og sótu innspølini til strikuna ikki.

Hóast hetta, so var føroyska liðið væl við í dystinum, og skiftust liðini um at vera frammanfyri. Føroyska liðið fór út í eina 5-1 verju eftir 17 minuttir og riggaðu hetta betri. Eisini gekk betri at koma til málkjansir í álopinum, har Súna Krossteig Hansen, Marianna Eystberg og Jana Mittúna gjørdu um seg við kvikum ein móti einum spæli.

Niðanbrekkan helt áfram í seinna hálvleiki og mátti føroyski venjari Sonni Larsen taka time-out eftir 7 min. Sera nógvar villur vóru í álopinum, sum vóru straffaðar í hinum endanum, og Kosovo vann seg fram um við 4 málum. Føroyska liðið megnaði illa at minka um munin, hetta hóast stjørnan hjá Kosovo, Leonora Demaj fekk sína triðju útvísing og harvið reytt kort. Nógvar útvísingar fullu til bæði liðini og kom ongantíð rútma í dystin í seinna hálvleiki.

Føroyski venjarin var leitandi og royndi at finna loysnir. Farið var innaftur at verja 6-0 og bøtti hetta eitt sindur um, men enn taptu okkara duellirnar ferð eftir ferð.

Føroyar taptu dystin við trimum málum 27-24 og verður tað torført, men ikki ógjørligt leygardagin, tá liðini møtast í seinna dystinum. Dysturin byrjar kl. 18.30, føroyska tíð, og verður vístur á KVF.

Málskjúttar hjá Føroyum:
Marianna Geirsdóttir Eystberg 10 (6)
Súna Krossteig Hansen 7
Jana Mittún 5
Ingibjørg Olsen 1
Ninna Katrin Johansen 1

Málverja:
Annika Fríðheim Petersen 1 bjarging
Rakul Wardum 9 bjargingar

Dystargongdin:
5 min. 3-2
10 min. 5-5
15 min. 8-8
20 min. 9-11
25 min. 11-12
30 min. 13-14
35 min. 14-15
40 min. 15-19
45 min. 17-20
50 min. 20-24
55 min. 23-27
60 min. 24-27

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.