Dragan Brljevic, sum hevur verið venjari hjá A-landsliðnum hjá kvinnum, hevur av heilsuávum sagt seg úr starvinum.
Tað verður fyribils Sonni Larsen, sum tekur við starvinum og kemur at standa á odda fyri liðinum restina av EM-undankappingini. Finnur Hansson heldur fram sum hjálparvenjari. Sonni var landsliðsvenjari hjá A-landsliðnum hjá monnum frá 2017-2021 og leiddi liðið ígjøgnum tvær HM-undankappingar og tvær EM-undankappingar.
Føroysku kvinnurnar hava 4 dystir eftir í EM-undankappingini. Í mars spæla kvinnurnar úti- og heima móti Eysturríki og í apríl heima móti Rumenia og úti móti Danmark.
