Mynd: Andrei Vladut AntalEftir tveir ferðmiklar og málríkar dystir móti SSV Brixen úr Italia, vóru VÍF júst ov stuttir at koma víðari í fjórða umfar í European Cup. SSV Brixen vann fyrra dystin 37-35 og seinna 38-37.
Talan gjørdist um tveir góðar og undirhaldandi dystir í Vestmanna frammanfyri fullsettari høll. Dystirnir kundu báðir fari báðar vegir, men var tað helst verjuspælið hjá VÍF, sum ikki rakk heilt móti dugnaligu italiumonnunum. Filip Jojic spældi heilt framúr fyri VÍF og gjørdi heili 17 mál í fyrra dystinum og 10 mál í seinna, men var hetta tíverri ikki nokk til at VÍF kundi verða millum seinastu 16 í European Cup í vetur.
