Meldið til venjaraskeið 1.2

Nú ber til at melda seg til seinna part av stig 1 í HSF-venjaraútbúgvingini. Skeiðið byrjar í februar 2025.

Skeiðið er skipað við online tilfari og trimum samlingum, ið geva luttakarunum bæði ástøðiliga og praktiska vitan.

Fyri at luttaka á stig 1.2 skal luttakarin hava staðið stig 1.1.

Tilmelding fer fram á: https://forms.office.com/e/iSmcAA9QTv.

Freistin at melda til er sunnudagin, 19. januar 2025.

Endamál við skeiðinum
Endamálið við venjaraskeiðinum er at geva venjarum íblástur og amboð til at skipa ein mennandi venjingartíma. Dentur verður lagdur á:

  • Hvussu kann tillagast út frá eygleiðingum í venjingini,
  • Hvussu tryggjað verður, at venjingin stuðlar menningini hjá hvørjum einstøkum leikara,
  • Hvussu skaðafyribyrging kann gerast ein natúrligur partur av venjingini,
  • Fyrstu stig til venjing av málverjum
  • Leiklutur venjarans,

Tíðarætlan:
Online tilfar:
Evni 1: Leiklutur venjarans
Evni 2: Hvussu mennast børn og ung

5. februar 2025, kl. 17:00 – 21:00
Evni: Hvussu skipi eg eina venjing, ið gevur møguleika fyri menning av hvørjum einstøkum leikara.

26. februar 2025, kl. 17:00 – 21:00
Evni: Hvussu eri eg sum venjari.

19. mars 2025, kl. 17:00 – 21:00
Evni: Fyrireiking og eftirmeting av venjingum.

Aldursmark: 16 ár
Kostnaður: 395,00 kr.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni