Fríggjadagin vóru fyrstu prógvini í nýggju føroysku venjaraúbúgvingini handaði. Talan var um 25 venjarar, sum høvdu staðið stig 1.1.
Fyrsta stigið í venjaraútbúgvingini byrjaði í heyst, har endamálið var at geva luttakarum amboð til, hvussu man skipar eina góða barnavenjing, og hvussu man tryggjar eitt gott hondbóltsumhvørvi, har børnini trívast og mennast. Skeiðið var skipað við online tilfari og trimum samlingum. Komandi fríggjadag fær hin helvtin av luttakarunum á stig 1.1. eisini prógv.
Bæði Kyndil og VÍF hava hetta vikuskiftið roynt seg í European Cup, ávikavist í Eysturríki og Kroatia. Talan er um 1. umfar í European Cup, sum er triðsterkasta evropeiska kappingin.
Komandi vikuskiftið eru fýra European Cup dystir hjá monnum á skránni. Allir dystirnir vera á útivølli. VÍF spæla í Kroatia, meðan Kyndil spæla í Eysturríki.
Allir hondbóltsdystir í landskappingini og steypakappingini verða stroymdir á nýggja pallinum Portal Play, sum verður tøkur í dag. Stovna brúkara og hygg ókeypis um vikuskiftið.
Ein loysn frá Sendistovuni
