Kyndil og H71 eru steypavinnarar 2025

Bæði kyndilskvinnur og H71-menn vóru betri í seinna hálvleiki í sínum dystum og tryggjaðu sær Faxe Kondi steypini 2025. Talan var um dystir í framúr, nýggjum kørmum og metstórari áskoðarafjøld til hondbóltsdyst í Føroyum.

Kvinnudysturin millum Kyndil og Neistin var tættur og spennandi í fyrra hálvleiki. Leikferðin var høg og nógv mál komu fyrstu løtuna. Neistaverjan royndi at steðga Turið Arge við at trakka meira fram, men gav hetta pláss til royndu Bjartu O. Johansen, sum gjørdi 10 mál í dystinum og var kosin dagsins leikari. Kyndil var omaná í seinna hálvleiki, og komu teirra royndir betri til sjóndar. Tær runnu si við og við undan og vunnu at enda 29-23.

H71 er vinnari av Faxe Kondi kappingini hjá monnum. Í fyrra hálvleiki vóru vestmenningar tó við yvirlutan. Teir lógu eina tonn frammanfyri gjøgnum hálvleikin, men tá komið varð til 30. minuttin stóð 17-17 á máltalvuni. H71 byrjaði tó seinna hálvleik sum eitt óløgi og komu skjótt framum við 6 málum. Men so hálaðau vestmenningar innaftur, og í 53. minutti stóð aftur á jøvnum. Ungi Bjarni Gunnarsson Jacobsen kom í málið hjá vestmenningum og var hann við til at fáa teir innaftur í dystin. Hann var eisin kosin dagsins leikari í dystinum. Hoyvíkingar tóku tó dik á seg aftur, og so dragnaði aftur millum liðini, og endaði dysturin 33-29 til H71.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni