Hondbóltssambandið hevur sett Trónd Kragesteen og Nicholas Satchwell sum venjarar hjá U08-landsliðnum hjá kvinnum.
Tróndur hevur royndir sum ungdómsvenjari, bæði í Neistanum og við ungdómslandsliðum. Nicholas venur í løtuni neistakvinnur, og hevur hann eisini royndir sum málverjavenjari í landsliðshøpi.
Kvinnurnar, sum eru føddar í 2008 og 2009, hava áður roynt seg í European Open og í U17 EM-endaspælinum, og skulu komandi summar til Turkalands á venjingarlegu, har landsdystir móti Turkalandi eisini eru á skrá. Næsta summar aftur, í 2027, skal hesin árgangurin spæla EHF Championship kapping.
