Manslandsliðið úttikið

Nú er greitt hvussu A-landsliðið við monnum verður mannað til triðja og síðsta EM-undankappingarumfarið í hondbólti.

Hópurin varð kunngjørdur á tíðindafundi í høvuðssætinum hjá BankNordik fyri løtu síðan.

Tvær broytingar eru gjørdar. Tórður Guttesen, ið varð kosin ársins málverji í Føroyum farna kappingarár, er úttikin til A-landsliðið á fyrsta sinni. Hilmar Leon Jakobsen, ið hevur verið darvaður av skaða í longri tíð, er eisini úttikin. Hann hevur bara verið á A-landsliðnum eina ferð áður, sum var til HM-undankapping í Italia fyri hálvumtriðja ári síðani.

Manslandsliðið skal spæla móti Montenegro í Farum 13. juni og móti Danmark í Aalborg 16. juni.

Føroyar spældu javnleik, 24-24, móti Montenegro í fyrra dystinum teirra millum. Í fyrra dystinum móti donsku heimsmeistarunum, taptu Føroyar við 15 málum.

Landsliðsvenjararnir, Sonni Larsen og Jeppe Borch, hava úttikið 16 leikarar til uppgávurnar.

Landsliðshópurin
Málverjar
Tórður Guttesen, Kyndil
Nicholas Satchwell, Neistin

Spæliskiparar
Jónas Gunnarson Djurhuus, Viking Stavanger
Tróndur Kragesteen, Neistin

Strikuspælarar
Rógvi Dal Christiansen, Kyndil
Helgi H. Hoydal, Viking Stavanger
Rókur Akralíð, HEI

Bakspælarar
Áki Egilsnes, KA Akureyri
Kjartan Johansen, Viking Stavanger
Hans Eli Sigurbjørnsson, KÍF
Peter Krogh, H71
Hilmar Leon Jacobsen, H71

Vongspælarar
Allan Norðberg, KA Akureyri
Nicklas Selvig, Stavanger IF
Rói Berg Hansen, FIF

Verjuspælarar
Brandur Halgirsson

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni