Mynd: Portal.foStórur áhugi er fyri EM-dystunum hjá Føroyum í januar í Týsklandi, og fær Hondbóltssamband Føroya nógvar fyrispurningar um, hvussu atgongumerkjasølan gongur fyri seg.
Til dystirnar hjá Føroyum eru áleið 1000 atgongumerki tryggjað føroyskum áskoðarunum, har hesir sita saman. Hesi atgongumerki koma eftir ætlan til sølu, tá vit í Hondbóltssambandinum hava fingið neyðugu kunningina frá EHF. Vit koma at kunna um hesi viðurskifti í góðari tíð á heimasíðu okkara.
Atgongumerki út yvir hesi fara í fría sølu á kappingarheimasíðuni á heretoplay.com.
Í fyrstu atløgu koma bert pakkaatgongumerki til sølu, t.v.s. atgongumerki til allar dystirnar í bólkaspælinum hjá Føroyum.
Atgongumerki til einstakar dystir hjá Føroyum koma til sølu 31. mai.
Hondbóltssamband Føroya hevur umboð til staðar til sjálvt lutakastið í Düsseldorf í dag og luttaka eisini á EM-verkstovu, sum EHF skipar fyri í morgin.
