HSF og SMS-samtakið hava skrivað undir nýggjan sáttmála fyri Burn og SMS kappingina. Við sáttmálanum kemur landskappingin hjá ávikavist monnum og kvinnum framhaldandi at eita Burn og SMS deildin næsta kappingarár.
Gunn Ellefsen, starvsnevndarforkvinna í HSF, Durita Nolsøe, býlingsstjóri í SMS og Jákup Suni Berg, stjóri í Burn, hittust herfyri í SMS, har nýggi sáttmálin varð undirskrivaður.
– Gunn Ellefsen sigur til longda sáttmálan. Tað liggur eitt stórt arbeiði úti í feløgunum, sum mynda fremstu hondbóltsdeildirnar, og at samstarva við ein góðan stuðul sum SMS-samtakið hevur alt at siga, fyri at vit fáa eina góða hondbóltsvøru til áskoðaran.
– Durita Nolsøe viðmerkir til sáttmálan, at tað merkist at áhugin fyri hondbólti er vaksandi millum føroyingar. At hondbóltsdeildirnar fáa nógva umrøðu millum fólk og miðlar er áhugavert fyri okkum framhaldandi at vera partur av.
– Jákup Suni Berg viðmerkir til samstarvið, at tað er stuttlig at fylgja kropsligu menningini, sum hevur verið í føroyskum hondbólti. Tað er ógvuliga eyðsýnt, tá eg síggi landsliðið spæla, at hetta er ein fortreyt, um Føroyar skulu standa seg væl.
Við sáttmálanum kemur Burn- og SMS-samleikin at verða sjónligur í flest øllum viðurskiftum hvat kappingunum viðvíkur, og hartil kemur SMS eisini at standa á vinstru ermu á nýggju landliðsblusuni.
