Komandi vikuskiftið byrjar Burn og SMS kappingin. Feløgini hava fyrireikað seg væl og tað hava dómararinir eisini.
Farna vikuskiftið var dómaraskeið og uppstartur saman við Martin Gjeding, altjóða IHF eygleiðara. Dómararnir hava tikið rennitest, skrivliga test og viðgjørt reglutulkingar saman. Ongar nýggjar reglur eru komnar síðani seinasta kappingarár, men eru einstakar tulkingar, sum eru tillagaðar.
Dómarahópurin er líkur hópinum undanfarna ár, men verða eisini nýggj andlit at síggja.
Í heyst skipar HSF aftur fyri stig 1 í venjaraútbúgvingini. Byrjað verður við stig 1.1 tann 7. oktober 2026, meðan stig 1.2 byrjar í januar. Skeiðið er skipað við online tilfari og trimum samlingum.
Leygardagin 22. august verður venjararáðstevnan við gestaundirvísaranum, Jordi Ribera. Ráðstevnan er fyri venjarar í føroysku feløgunum og verður Við Tjarnir.
Sunnudagin, 16. august 2026, er seinasti møguleiki at ogna sær føroysku atgongumerkini til HM-endaspælið í Týsklandi. Eftir freistina verða atgongumerkini leysgivin í almennari sølu, har øll kunna ogna sær atgongumerki.
Ein loysn frá Sendistovuni
