Elias toppskjútti og besta miðja í HM

U21 HM-endaspælið er av og gjørdust Føroyar sum kunnugt nummar 7 av 32 liðum í kappingini. Sum vanligt, var eitt all-star lið valt fyri kappingina.

Besta miðja í kappingina var kosin Elias Ellefsen á Skipagøtu. Hann var eisini toppskjutti í kappingini við 55 málum, ájavnt við Naoki Fujisaka hjá Japan. Elias hevði eisini 48 fríspælingar (assists) í kappingini, heili 13 meir enn tann næsti í røðini.

All-star liðið sær soleiðis út:
MVP (Most valuable player) Nils Lichtlein, Týskland

Málverji: David Späth, Týskland
Vinstri vongur: Pedro Oliveir, Portugal
Vinstri bakkur: Milos Kos, Serbia
Miðja: Elias Ellefsen á Skipagøtu, Føroyar
Høgri bakkur: Zoran Ilic, Ungarn
Høgri vongur: Kristófer Máni Jónasson, Ísland
Strika: Justus Fischer, Týskland