EM-atgongumerkjasølan gongur strúkandi

Bert 42 atgongumerki eru eftir í føroysku sektiónini til EM-endaspælið hjá manslandsliðnum í Berlin.

Verður talt saman, hava á leið 2.500 føroyingar longu tryggjað sær atgongumerki til teir tríggjr dystirnar í bólkaspælinum. Føroyingar sita higartil í sektiónunum 406, 407, 408, 201, 217, 218, 219, 220 og 104.

Um tú ynskir at keypa eitt ella fleiri av teimum 42 atgongumerkjunum, sum eru eftir av teimum, sum eru tillutaði føroyingum í gjøgnum Hondbóltssambandið, kunnu tit keypa ígjøgnum hesa leinkjuna og síðani skriva koduna EURO-FAR í ávísta teigin. Hareftir kunnu tit klikkja á tey sitiplássini, sum tit ynskja at keypa.

MEN’S EHF EURO 2024 (eventim.de)

Møguleiki er eisini at keypa ígjøgnum vanligu heimasíðuna og ynskir tú at sita saman við føroyingum, er t.d. møguleiki at keypa í 202 og 205, har smærri føroyskir bólkar eisini sita.
MEN’S EHF EURO 2024 (eventim.de)

Atgongumerki til dystirnar hvør sær verða til keyps frá 31. mai.

Dystirnir í bólkinum hjá hjá Føroyum liggja soleiðis:
Hósdagin 11. januar kl. 18.00 (týsk tíð): Slovenia – Føroyar og Noreg – Pólland
Leygardagin 13. januar 20.30 (týsk tíð): Føroyar – Noreg og Pólland – Slovenia
Mánadagin 15. januar kl. 18.00 (týsk tíð) : Pólland – Føroyar og Slovenia – Noreg

U18-manslandsliðið er úttikið

17. juni 2024

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Hesir skulu til U20 EM-endaspælið

14. juni 2024

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.

Høgni og Andrias nú elitudómarar

12. juni 2024

Brøðurnir Høgni og Andrias Fríðuson Gaard verða komandi kappingarár elitudómarar í Danmark. Hetta merkir, at teir koma at verða partur bólkinum av fremstu dómarum í Danmark og skulu í fyrstu atløgu døma í 1. deild.