Gallaveitslan 2023

Komandi leygardag, 27. mai, verður hondbóltsgallaveitslan 2023. Byrjað verður kl. 17.30 í høvuðsætinum hjá BankNordik, har ársins heiðrar verða latnir. Hareftir verður veitsla í Dansifrøði, sum Neistin skipar fyri.

Undirtøkan fyri árligu Gallaveitsluni í hondbólti hevur øll árini verið sera góð og er eitt av hæddarpunktunum valið av ársins leikarum, venjarum og dómarum. Aftur í ár verður Hondbóltsambandið ein virkin viðleikari í samband við tiltakið. Meðan Neistin hevur ábyrgdina av sjálvari veitsluni, verður tað HSF, sum avgreiður atkvøðugreiðsluna um ársins hetta og hatta. Eins og í fjør verður handanin av ársins nøvnum áðrenn sjálvt borðhaldið. Tað vera høvuðs-, deildar- og stórstuðlar hjá HSF, sum fara at lata og handa steypini. Tey ið velja eru, eitt leikaraumboð/liðskipari, venjararnir hjá liðunum í SMS- og Burn deildini, fjølmiðlarnir, sum fylgja hondbóltinum og landsliðsvenjararnir hjá ávikavist kvinnum og monnum. Atkvøtt verður við 3, 2 og 1 stigi, og er atkvøðugreiðslan almenn.

Skráin fyri Gallaveitsluna
17.30             Bjóðað verður vælkomin við vælkomudrykki og myndatøku
17.45             Ársins heiðrar í BankNordik
19.00             Farið verður til borðs í Dansifrøði
19.30             2 rættað matskrá, sangur og undirhald
23.00             Dansur við plátuvendara

HSF og Neistin gleða seg at bjóða vælkomin til Gallaveitsluna 2023.

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.