Komandi vikuskiftið skulu bæði neistamenn og Team Klaksvík spæla European Cup dystir. Team Klaksvík spælir báðar sínar dystir á útivølli í Tuzla í Bosnia-Hersegovina, meðan Neistin spælir í Høllini á Hálsi.
Dystirnir hjá Team Klaksvík móti RK Sloboda liggja fríggjakvøldið kl. 18.30 og sunnudagin kl. 14.00.
Neistin møtir Ísraelsku Holon Yuvalim HC og verða báðir dystirnir í Høllini á Hálsi. Fyrri dysturin er leygardagin kl. 17.00 og seinni dysturin sunnudagin kl. 17.00.
Tað er nú greitt, at Magdeburg verður heimstaðurin hjá føroyska manslandsliðnum til innleiðandi bólkaspælið í HM-endaspælinum í Týsklandi í januar 2027. Ein møgulig millumrunda verður leikt í Hannover. Við lutakastinum í München í dag gjørdist eisini greitt, at mótstøðuliðini verða Portugal, Pólland og Algeria.
Í dag kl. 17.00 verður lutakastið til HM-endaspælið hjá monnum, sum verður í Týsklandi í januar 2027. Lutakastið kann stroymast her: Draw | 30th IHF Men’s Handball World Championship
Komandi vikuskiftið fer U16-landsliðið hjá kvinnum til Íslands, har tær fara at spæla tveir landsdystir. Talan er um tveir vinardystir móti Íslandi, ávikavist leygar- og sunnudagin.
Ein loysn frá Sendistovuni
