U20-kvinnur til HM-undankapping

Føroysku U20-kvinnurnar, føddar í 2004 og 2005, skulu spæla HM-undankapping í Serbia november.

Talan er um eitt sokallað millumumfar, har nr. 1 og 2 úr EHF Championship kappingunum í summar í Litava og Kosovo, og so lið nr. 15. og 16 í EM-endapælinum í summar, kappast um eitt HM-pláss. Liðini, sum koma at kappast, eru ávikavist Spania, Føroyar, Italia, Serbia og Kroatia. Eysturríki hevði eisini rættin at luttaka, men hevur givið avboð.

Kappingin verður leikt í Serbia í døgunum 21. – 26. november. Vinnarin av kappingini fær pláss í HM-endapælinum, sum verður í juni í 2024 í Norðurmakedonia. Lið nr. 2 verður fyrsta eykalið til HM, í so fall at onkur tjóð velur ikki at luttaka.

Tað verða verandi venjarar, Simon Olsen og Christoffur Gert Nielsen, sum halda fram sum venjarar hjá liðnum.



Kemilux nýggjur stórstuðul hjá HSF

28. september 2023

Hondbóltssambandið og Kemilux hava í dag skrivað undir samstarvsavtalu, har Kemilux verður ein av stórstuðlunum hjá HSF í 2024 og 2025.

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.