U20 landsliðið við monnum tapti seinnapartin fyri Finnlandi í sínum triðja EM-kappingardysti í Makedonia. Úrslitið gjørdist 29-24.
Føroyar fingu eina góða byrjan og lógu á odda 20 minuttir inn í dystin, men so vendist gongdin. Tá farið var til hálvleiks, var støðan 14-13 til Finnland.
Tað kom stígur í hjá Føroyum og finnar løgdu seg á odda við fýra málum og hildu fýramálsleiðsluni at kalla allan seinna hálvleik. Serliga gekst illa í verjuni, har bakkarnir hjá Finnlandi komu í so lætt til skot. Tá føroyingarnir komu til skot, bjargaði finski málverjin.
Føroyar skulu í morgin royna seg móti Estlandi. Dysturin byrjar klokkan 11.00 føroyska tíð.
Málskjúttar:
Høgni Zachariassen 9
Vilhelm Poulsen 5
Hallur Arason 4
Brandur Halgirsson 3
Bergur Ákason 1
Leivur Mortensen 1
Bartal Klein Olsen 1
