U20 landsliðið við monnum vann fyri løtu síðan á Grikkalandi. Føroyar vunnu 27-23.
Tað var ein væl upplagdur hópur hjá Føroyum, sum í dag trein á vøllin í Skojpe í Makedonia til sín næsta EM-kappingardyst. Føroyar skuldu reisa seg aftur eftir tepurt tap fyri Litava í gjár.
Føroysku leikararnir tyktust at vera tendraðir frá fyrsta bríksli og lógu á odda tað mesta av fyrra hálvleiki. Hálvleiksstøðan var 13-10 til Føroyar. Í seinna hálvleiki øktu okkara menn um leiðsluna og hildu henni til dystarenda.
Leivur Mortensen varð valdur til dagsins leikara.
Triðji dysturin hjá Føroyum er móti Finnlandi mánadagin klokkan 13.00.
Málskjúttar:
Leivur Mortensen 7
Brandur Halgirsson 7
Vilhelm Poulsen 3
Tróndur Wardum 3
Djóni Jansson Petersen 2
Niklas Højgaard Hanusarson 2
Høgni Zachariassen 1
Bartal Klein Olsen 1
Hallur Arason 1
