HM-lutakastið hjá U19

Lutakastið til U19 HM-endaspælið hjá monnum hevur verið í dag. Føroyska U19-landsliðið kom í bólk E saman við Týsklandi, Slovenia og Uruguay. Endaspælið verður leikt í Egyptalandi í døgunum 6. – 17. august.

Á papírinum er helst talan um eitt miðal lutakast. Týskland gjørdist nr. 5 í EM-endaspælinum í summar, har Føroyar gjørdist nr. 15. Føroyar spældu móti Týsklandi í upphitingarkappingini til EM-endaspælið, hetta í Nations Cup í Lübeck. Tá vunnu týskarar 32-23. Slovenia gjørdist nummar 9 í EM-endaspælinum og møttu Føroyar slovenum í millumumfarinum, har Slovenia vann 32-25. Uruguay vann seg til HM-endaspælið við at gerðast nummar trý í Suðuramerikonsku undankappingini.

Lutakastið:
Bólkur A: Svøríki, Portugal, Kuveit, Eysturríki
Bólkur B: Ungarn, Sveis. Marokko, Kosovo
Bólkur C: Serbia, Spania, Kroatia, Algeria
Bólkur D: Ísland, Brasil, Guinea, Saudi Arabia
Bólkur E: Týskland, Slovenia, Uruguay, Føroyar
Bólkur F: Noreg, Frakland, Argentina, (ikki avgjørt)
Bólkur G: Egyptaland, Japan, Suðurkorea, Bahrein
Bólkur H: Danmark, Tunesia, Kekkia, USA

Tvey tey ovastu liðini úr hvørjum bólki koma víðari at spæla um topp 16, meðan tvey tey niðastu spæla sonevnda Presidents Cup, um plássini 17-32.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni