HSF 40 ár í dag

Í dag, sunnudagin 19. apríl 2020, eru 40 ár síðani at HSF var sett á stovn.

Fyrsti formaður í HSF var Líggjas Joensen, sum sat í starvsnevndini saman við Heðini Mikkelsen, varaformanni og Símuni Rasmussen, skrivara. Í fyrstu kappingarnevndini sótu Hans Holm, Jóhannes Ziska og Agnas Lassen. Undan hesum var hondbólturin í Føroyum stýrdur av hondbóltsdeild ÍSF´s.

Føðingardagurin er avmarkaður av korona-støðuni, men verður  komandi dagarnar varpað ljós á nakað av søguligum føroyskum hondbóltstilfari á talgildu pallunum hjá HSF.

Liggja tit inni við nøkrum søguligum mynda- ella videotilfari, eru tit vælkomin at senda okkum tað á hsf@hsf.fo

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.