Klassamunur

A-landsliðið hjá monnum rendi seg inn í tað stórtapið, sum nokk flest høvdu stúrt fyri, tá teir seinnapartin spældu landsdyst móti Mikkel Hansen og hinum donsku hondbóltsrisunum í Skjern Arena. 

Úrslitið av dystinum gjørdist 17-35. Hálvleiksstøðan var 8-16.

Danska spælið var ikki av tí besta fyrru hálvuna at fyrra hálvleiki og okkara menn kundu fylgja við, men síðandi skrædnaði og danir drógu frá.

Føroysku málskorararnir vóru:

Niclas Selvig 4
Tróndur Kragesteen 3
Helgi Hoydal 2
Rókur Akralíð 2
Kjartan Johansen 2
Jónas G. Djurhuus 2
Sjúrður Olsen 1
Peter Krogh 1

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.