KVF vísir Ísland – Føroyar

Fyrireikingarnar til EM-endaspælið eru í hásæti hesa vikuna og skal manslandsliðið spæla tveir fyrireikingardystir móti Íslandi í Reykjavík. Kringvarpið vísir dystirnar, ávikavist á netinum fríggjadagin og í sjónvarpinum leygardagin.

Landsliðið hevur vant saman hesa vikuna og ferðast til Íslands fríggjadagin, har fyrri dysturin móti Íslandi verður fríggjadagin kl. 19.30. Seinni dysturin verður leygardagin kl. 17.30. Báðir dystirnir verða í Laugardalshøllini í Reykjavík. Kringvarpið stroymir dystin fríggjdagin á heimasíðu teirra, meðan dysturin leygardagin verður vístur í sjónvarpinum.

Talan verður um sera sterka mótstøðu. Ísland fyrireikar seg eisini til EM og møta teir við sterkastu manning.

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni