Nýggju landsliðsklæðini hjá HSF fyri 2024 og 2025 koma nú til sølu. A-landsliðið við monnum fer at spæla í nýggju klæðunum til EM endaspælið í Týsklandi í januar.
Tað snýr seg um eina hvítu heimavallarblusu, eina bláa útivallarblusa og shorts til vaksin og børn, bæði í damu- og harrasniði.
Tann hvíta blusan kemur í handlarnar hjá Sport24 í SMS í Havn og í Saltangará, umframt hjá Skálki í Klaksvík tíðliga í desember, og í seinasta lagi mánadagin 4. desember.
Bláa útivallarblusan og shortsini koma í handlarnar, vantandi áðrenn jól, og í seinasta lagi fyrst í januar.
Longu nú kann hvíta heimavallarblusan keypast á skalkur.fo, og ein av næstu døgunum kemur bláa útivallarblusan og shortsini eisini til sølu á skalkur.fo. Leveringin verður tá klæðini eru í Føroyum í desember.
Prísirnir eru hesir
- Hvíta og bláa blusan til vaksin kr. 499,95
- Hvíta og bláa blusan til børn kr. 399,95
- Bláu shortsini til vaksin og børn kr. 299,95
Tá keypt verður á skalkur.fo kann kundin velja at avheinta klæðini í handlunum hjá Sport24 ella at fáa vøruna til hurðina. Móti einum gjaldi á kr. 40,- ber somuleiðis til at fáa blusuna leveraða til dyrnar í Danmark.”
