Lakari avrik móti Rumenia

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Føroyska liðið byrjaði annars dystin væl, hóast verjan skinklaði eitt sindur. Nicholas Satchwell hevði eina frálíka byrjan í føroyska málinum við 4 bjargingum fyrstu 5 minuttirnar og vóru Føroyar tá á odda 3-2. Hetta var tó seinastu ferð at okkara vóru á odda í dystinum. Hetta serliga tí at alt ov nógvir málmøguleikar vóru brendir. Hetta var galdandi yvir allan dystin og vóru flestu leikarar á einum skoringsprosenti undir 50. Hetta gjørdi, at talan gjørdist um ein dyst, har rumenia leypandi økti um leiðsluna. Føroyska liðið kom til góðar málmøguleikar, men skotavgreiðslan var ov vánalig. Bert 17 mál blivu tað til og tað tala fyri seg.

Størsti glottin á føroyska liðnum var føroyski málverjin Nicholas Satchwell, sum stóð ein góðan dyst við 17 bjargingum. Eisini komu Aleksandar Lacok og Hallur Arason inn og leiktu sín fyrst A-landsdyst. Føroyska liðið mist Jónas G. Djurhuus eftir 27 minuttir, tí hann fekk ein harðan samanstoyt við ein rumena og hol kom á pannuna og bløddi hann illa.

Talan var sum heild um eitt av lakaru avrikunum hjá okkara monnum í hesari EM-undankappingini, men eru okkara enn við í kappingini um eitt pláss í EM-endapælinum.

Seinastu dystirnir í EM-undankappingini verða 26. og 30. apríl, tá Føroyar møta Ukraina á heimavølli og Eysturríki á útivølli.

Føroysku málini:
Hákun West av Teigum 4
Elias Ellefsen á Skipagøtu 2
Theis Horn Rasmussen 2
Leivur Mortensen 2
Tróndur Mikkelsen 2
Rói Berg Hansen 2
Óli Mittún 1
Helgi H. Hoydal 1
Hallur Arason 1

Málverjar:
Nicholas Satchwell 17 bjargingar

Dystargongdin:
05 min. 2-3
10 min. 6-4
15 min. 8-4
20 min. 11-8
25 min. 13-8
30 min. 14-10
35 min. 15-11
40 min. 19-13
45 min. 22-14
50 min. 23-14
55 min. 23-16
60 min. 25-17

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.