Leingi við móti Íslandi

Føroysku kvinnurnar spældu ein tættan dyst í 45 minuttir móti Íslandi, hareftir neyvleikin sveik og Ísland fór við sigrinum á 28-23, eftir at Føroyar vóru á odda, 12-11, í hálvleikinum.

Føroysku kvinnurnar byrjaðu annars dystin heldur trilvandi. Tað var Ísland, sum var betri fyrstu løtuna og legði seg á odda 7-3. Føroyska liðið ernaðist eftir hetta. Verjan stóð sera væl og vóru tað serliga Brynja Høj og Pernille Brandenborg, í miðverjuni, sum ferð eftir ferð avvístu tær íslendsku. Í álopinum var tað serliga Elsa Egholm á høgra bakki, sum gjørdi um seg í fyrra hálvleiki við 4 málum. Í hálvleikinum var Føroyar á odda 12-11.

Ísland var betra liðið í seinna hálvleiki og vístu, at tær høvdu fleiri royndir og streingir at spæla uppá. Unga føroyska liðið hevði verri við at skora mál fyrstu løtuna av seinna hálvleiki. Serliga gekk illa á høgra veingi, har bert eitt mál kom í dystinum, hóast nógvar royndir og at tríggir ymiskir leikarar royndu seg. Um miðjan hálvleik legði Ísland seg fram um við nøkrum málum og hetta helt sær restina av dystinum til endaliga úrslitið 28-23.

19-ára gamla Lukka Arge kom inn í tveimum løtum í dystinum og spældi sín fyrsta A-landsdyst. Hon skeyt eisini tvey mál uppá brotskøst.

Hetta er triði dystur á rað millum Føroya og Ísland, sum Ísland vinnur við 5 málum. Føroyska liðið vísti tó gott spæl í báðum endum stóran part av dystinum og er heilt víst nógv gott at byggja á til komandi dystir.

Næstu dystirnir hjá kvinnulandsliðnum verða móti Luksemborg, ávikavist á útivølli mikudagin 28. februar og á heimavølli sunnudagin 3. mars.

Dystargongdin:
5 min: 1-2
10 min: 3-5
15 min: 6-7
20 min: 8-8
25 min: 9-10
30 min: 12-11
35 min: 13-14
40 min: 14-16
45 min: 16-19
50 min: 18-22
55 min: 20-25
60 min: 23-28

Málskjúttar hjá Føroyum: 
Jana Mittún 6 
Elsa Egholm 5
Turið Arge Samuelsen 4
Lukka Arge 2 (2)
Maria Pálsdóttir Nólsoy 2
Brynhild Pálsdóttir 1
Natasja Hammer 1 
Lív Sveinbjørnsdóttir Poulsen 1
Guðrið á Borg 1

Málverjar:
Annika Fríðheim Petersen 20 %
Rakul Wardum 27 %

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni