Neistin víðari og H71 úti

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.

Tað gjørdist serstakliga spennandi hjá Neistanum í Garliava í Litava. Neistin tapti fyrra dystin 28-25, men vunnu seinna dystin 23-20. Sostatt skuldi brotskastkapping til, og her vann Neistin 2-1 og sostatt 50-49 tilsamans.

Hjá H71-kvinunnum gekk verri í fyrra dystinum móti Handball Erice av Sisilia í Italia. H71 taptu greitt 27-17 og var tað sostatt mestum avgjørt undan seinna dystinum. H71 góvu tó ongantíð upp og spældu væl betri í seinna dystinum, sum tær vunnu 35-32. Hetta var tó ikki nokk, og taptu tær sostatt 59-52 tilsamans.

Næsta umfar í European Cup verður leikt í november í viku 45 og 46.

Pauli til Respect Your Talent

19. januar 2025

Pauli Rasmussen, sum spælir við føroyska U19-landsliðnum, hevur í vikuskiftinum luttikið í “Respect Your Talent” átakinum hjá EHF í Wien.

Innbjóðing til stig 3

17. januar 2025

Nú ber til at melda seg til triðja stig av venjaraútbúgvingini hjá Hondbóltssambandinum. Hetta er fyrstu ferð, at HSF skipar fyri triðja stigi, eftir at HSF í desember skrivaði undir EHF Rinck avtaluna.

Vitjaðu heimavøllin

11. januar 2025

A-landsliðið hjá monnum venur saman hesa og næstu viku í Føroyum. Eftir venjingina í Hoyvíkshøllini í morgun varð farið yvir í nýggju stórhøllina við Tjarnir, har Tummas Justinussen, ein av stigtakarunum til verkætlanina, og sum situr í bygginevndini, vísti runt og greiddi frá.

Ein loysn frá Sendistovuni