Tað er nú greitt, at Sonni Larsen takkar fyri seg sum venjari hjá kvinnulandsliðnum og U17-landsliðnum. Sonni hevur fingið venjarastarv hjá mansliðnum Viking TIF í Bergen í Noreg.
Kvinnulandsliðið venur saman í hesari vikuni, og er tað fyribils Mark Lausen-Marcher, ítróttastjóri í HSF, sum saman við Finni Hansson, hjálparvenjara, sum standa fyri liðnum, inntil nýggjur venjari er funnin. Liðið skal spæla venjingardystir móti Finnlandi í viku 14 í apríl.
Sonni hevur verið venjari hjá kvinnulandsliðnum í eitt gott ár og var eisini venjari hjá manslandsliðnum í tíðarskeiðnum 2017-2021.
Sonni viðmerkir til avgerðina, “jeg er brandærgerlig over ikke at kunne gøre opgaverne helt færdige, og forståeligt ønsker HSF at give plads med det samme.” Hondbóltssambandið takkar Sonni fyri tíðina sum venjari og ynskir honum blíðan byr við Viking í Bergen. HSF kemur enn at samstarva við Sonni sum skeiðshaldara í sambandi við venjaraútbúgving í Føroyum, har hann undirvísir í úrvalsvenjaraútbúgvingini.
