Spældu heilt upp við BSV

Føroyska A-landsliðið spældi ein góðan dyst móti Bjerringbro-Silkeborg í Høllini á Hálsi í kvøld. Úrslitið gjørdist 33-25, eftir at Føroyar var á odda 16-14 í hálvleikinum.

Dysturin var ein partur av vitjanini hjá BSV, har teir saman við HSF og føroysku landsliðsleikarunum hava havt hondbóltsskúla fyri 260 børnum. Umframt hetta hevur venjarin hjá BSV, Peter Bredsdorff Larsen, havt eitt venjaraskeið.

Føroyska liðið legði væl fyri í dystinum og leikararnir tóktist sera tendraðir. Álopið hjá Føroyum koyrdi væl og vóru okkara frammanfyri við trimum eitt skifti í fyrra hálvleiki, tá Peter Krogh og Jónas Djurhuus vóru serliga eyðsýndir.

Føroyska liðið var eisini frammanfyri 20-17 í seinna hálvleiki, men so kom stígur eftir 45 minuttir og fingu BSV fleiri mál á rað, tá føroyska liðið gjørdi fleiri feilir. Hereftir rann BSV avstað við dystinum og bleiv munurin nakað stórur til endans.

Ein góður venjingardystur hóast alt fyri føroyska liðið, har fleiri nýggj andlit sloppu at royna seg, nú leikararnir í Noreg og Íslandi vóru bundnir av sínum feløgum.

Málskjúttar hjá Føroyum:
Peter Krogh 6
Jónas Gunnarsson Djurhuus 6 (1)
Niklas Selvig 4 (1)
Rógvi Dal-Christiansen 2
Sámal á Tjaldrafløtti 2
Leivur Mortensen 1
Rói Berg Hansen 1
Pætur Mikkjalson 1
Hans Eli Sigurbjørnson 1
Vilhelm Poulsen 1

Atgongumerkjasøla til manslandsdystin

22. februar 2024

Í morgin, fríggjadagin 23. februar kl. 12.00, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo og kosta 150 kr.

Føroyar í potti 2

20. februar 2024

Føroyska manslandsliðið er styrkismett sum nummar 20 í Europa í løtuni. EHF hevur kunngjørt styrkismetingina undan lutakastinum til næstu EM-undankappingina. Føroyar verða sostatt í potti 2 av 4 til lutakastið.

Steypavinnarar 2024

20. februar 2024

Stóra Faxe Kondi steypafinaluvikuskiftið er farið afturum og var tiltakið aftur í ár sera væl vitja. 18 finalur vóru leiktar og hartil var eisini frálíka finalutiltakið saman við Eydnudeildini.