U17-kvinnur: Mistu á stokkinum

Føroyar spældu í morgun javnleik 23-23 móti Grikkalandi, eftir hálvleiksstøðuna 11-9 til Grikkaland.

Sigurin lá til føroyska liðið seinastu løtuna. Tá 4 minuttir restaðu, vóru okkara á odda 23-20, men gjørdu ov nógv mistøk seinastu løtuna, tá Grikkaland kom fram verja og fingu trý skjót mál.

Føroyska liðið spældi ikki sín besta dyst og kom spælið ongantíð rættiliga upp at koyra. Okkara gjørdu alt ov nógv mistøk og brendu sera nógvar møguleikar. Føroyska liðið var frammanfyri fyrstu 10 minuttirnar, men annars aftanfyri tað mesta av dystinum og ikki fyrr enn 10 minuttir restaðu fóru okkara fram um aftur. Føroyska liðið kempaði væl, hóast tingini ikki riggaðu eftir vild í dag, men hepni var ikki við okkum við dystarlok.

Hósdagin skal føroyska liðið spæla um 2. pláss í bólkinum, sum gevur pláss í hálvfinaluni. Dysturin móti Ukraina byrjar kl. 09.00 føroyska tíð.

Maria Pálsdóttir Nólsoy var vald til dagsins leikara í dystinum.

Málskjúttar hjá Føroyum:
Maria Pálsdóttir Nólsoy 6
Jana Mittún 5
Elsa Egholm 4
Vár Bentsdóttir Zachariasen 3
Elsa Holm Jacobsen 2
Brynhild Pálsdóttir 1
Natasja Hammer 1
Lea Mortansdóttir Mørk 1

Úrslit og støður í kappingini síggjast her:
http://eurohandball.com/ech/01-02/17/women/2019/round/1/Championship+-+GEO

Myndir, stroyming o.a. sæst her:
https://w17ehf.geohandball.ge/

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni