Vórðu revsaðar fyri hvørt mistak

Tað var stórur munur á liðnum hjá Føroyum og Svøríki, sum hittust í høllini á Hálsi. Svenskararnir vóru betur fyri bæði bóltsliga og kropsliga, og tað sást aftur, at hetta vóru hondbóltsspælarar, sum spæla í bestu deildunum í eitt nú Ungarn, Fraklandi, Rumenia og Danmark. 

Teir fyrstu tíggju minuttirnar sá gott út hjá Føroyum, men eftir 5-5 og svenskt time out, skrædnaði. Svensku spælararnir runnu okkara um koll. Tær gjørdu feilir og brendu opnar møguleikar. Hvørt einasta mistak, sum føroysku spælararnir gjørdu, varð revsað.

Føroysku spælararnir máttu staðfesta, eins og øll onnur, at Føroyar ikki kunnu spæla upp við bestu h0ndbóltstjóðir í A-landsliðshøpi hjá kvinnum, og at enn er nógv at arbeiða við.

Dysturin endaði við einum 15-33 tapi. Hálvleiksstøðan var 10-19.

Málskjúttar hjá Føroyum:
Anna Brimnes 4
Kristianna H. Joensen 3
Daniella Joensen 2
Agnas Olsen 1
Siw Matras Larsen 1
Tóra Eliasen 1
Bjarta O. Johansen 1
Turið A. Samuelsen
Pernille Brandenborg 1

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni