Okkara yngsta kvinnulandslið er í holt við fyrireikingarnar til EM-kapping í Tbilisi í Georgia, W17 Championship, sum verður í døgunum 2. til 12. august.
10 lond eru við, býtt í tveir bólkar. Føroyar eru í bólki við Serbia, Bulgaria, Ukraina og Grikkalandi.
Vinnari av bólkinum skal spæla hálvfinalu móti tveyaranum í hinum bólkinum og øvugt. Tann, ið vinnur kappingina, vinnur sær beinleiðis atgongd til HM-endaspælið fyri U18-landslið í 2020 og til EM-endaspælið fyri U19-landslið í 2021.
Leikararnir eru føddir í 2002 og seinni. Dia Midjord er høvuðsvenjari, Anya Skylv Midjord er hjálparvenjari og Jóhan Hofgaard er málverjuvenjari.
