U16 landsliðið við kvinnum endaði á einum sekstanda plássi í European Open, ið hevur verið í Gøteborg í Svøríki síðan mánadagin. 20 lond luttóku.
Londini vóru býtt sundur í fýra bólkar, har tvey tey bestu fóru víðari í tveir bólkar. Hini tólv londini skuldu dystast um plaseringarnar frá níggju til 20.
Føroyar vóru í bólki við Hollandi, Ungarn, Litava og Georgia. Føroyar vunnu móti Georgia og Litava, men tað var ikki nokk fyri at koma víðari, og tí skuldu føroysku genturnar spæla plaseringsdystir.
