Føroysku U17-mennirnir spældu sín lakasta dyst í European Open higartil í morgun. Dysturin móti veikasta liðnum í bólkinum, Belgia, endaði javnur 21-21, eftir at Føroyar vóru frammanfyri 13-11 í hálvleikinum.
Javnleikurin var tó nokk til at Føroyar blíva nummar eitt í bólkinum í millumumfarinum og skulu spæla um 9. pláss í morgin.
Eftir eina tætta dystarskrá í vikuni nýttu venjararnir høvi at blanda kortini av nýggjum til dystin í dag og nakrir leikarar vóru hvíldir. Tað hepnaðist tó so sum so. Liðið gjørdi nógvar villur í dag og brendu okkara illa í løtum. Okkara fingu tó hála ein javnleik heim og var hetta nokk til at vinna bólkin.
Føroyar møta sannlíkt Rumenia í dystinum um 9. pláss í morgin í Scandinavum. Dysturin byrjar kl. 12.30, føroyska tíð og kann stroymast á ehftv.com.
Málskjúttar hjá Føroyum:
Lýðar í Dímun 6
Jákup Egholm 4
William Djurhuus 2
Magnus Árason 2
Fríði í Innistovu 2
Jógvan Andreas Lamhauge 1
Magnus Rubek Carlsen 1
Helgi Haldórsson 1
Haraldur Karlsson 1
Torkil Dahl 1
