U17-menn: Sigur og javnleikur

Føroysku U17-menninir hava spælt seg í eina góða støðu í millumumfarinum í European Open í dag. Við 31-27 sigri á Litava og 27-27 javnleiki móti Noreg liggja Føroyar fremst í bólkinum. Vinna Føroyar dystin móti Belgia í morgin, vinna Føroyar bólkin og koma at spæla í Scandinavium um 9. plássið í European Open.

Fyrsti dysturin hjá Føroyum í millumumfarinum var í morgun móti Litava, sum eisini gjørdist nummar trý í sínum bólki. Dystirnir í millumumfarinum eru 2×25 min. Dysturin var tættur fyrra í hálvleiki og fóru liðini til steðgin við 15-15. Í seinna hálvleiki sást, at Føroyar høvdu fleiri streingir at spæla uppá, og løgdu okkara seg fram um um miðjan hálvleikin. Óhepni í skotstøðum og fleiri útvísingar gjørdi, at okkara ikki fingu lukka dystin heilt fyrr enn seinastu 5 minuttirnar, men eydaðist hetta tíbetur. Fyri Føroyar var Rúnar Hammer serliga eyðsýndur við sínum frálíka mann móti mann spæli og kom hann ferð eftir ferð í gjøgnum ella spældi sínar viðleikarar fríar.

Seinni dysturin í dag var móti Noreg. Norðmenn vóru omaná í fyrra hálvleiki og funnu teir væl hvønn annan, høvdu góð langskot og gott strikuspæl. Okkara runnu aftaná og riggaði verjuspælið ikki heilt. Noreg var frammanfyri 16-12 í hálvleikinum. Noreg byrjaði eisini betri í seinna hálvleiki og vóru eitt skifti frammanfyri við 6 málum. Okkara ernaðust tó seinastu løtuna og verjan stóð betri saman við Bjarna Jacobsen í málinum, sum fór at taka. Okkara hálaðu inn og endaði dysturin 27-27, sum kann verða nokk til at okkara vinna bólkin, um Føroyar vinna á Belgia í morgin árini kl. 8, føroyska tíð.

Komandi dystir hjá Føroyum:
Hósdagin kl. 8.00 Belgia – Føroyar (Valhalla B)
Fríggjadagin plaseringsdystur
Allar tíðir eru føroyskar. Dystirnir kunnu stroymast á ehfttv.com. Sí annars úrslit, støður og alt um kappingina her: M17 European Open (eurohandball.com)

Málskjúttar Litava – Føroyar
Jákup Egholm 9
Rúnar Hammer 9
Magnus Árason 3
Lýðar í Dímun 3
William Djurhuus 2
Filip Haldansen 2
Jógvan Andreas Lamhauge 1
Helgi Haldórsson 1
Torkil Dahl 1

Málskjúttar Føroyar – Noreg

Jákup Egholm 7
Rúnar Hammer 5
Magnus Árason 4
Fríði Holm í Innistovu 3
Jógvan Andreas Lamhauge 2
Haraldur Karlsson 2
Lýðar í Dímun 1
Magnus Rubek Carlsen 1
Filip Haldansen 1
Jón Midjord 1



Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.