U19-kvinnur: Frálíkur 31-25 sigur

Føroysku 19-kvinnurnar tóku væl og virðilig hevnd fyri trý-máls tapið fyri Íslandi í gjár. Føroyar spældu ein heilt framúr dyst og vunnu 31-25, eftir at okkara vóru frammanfyri 15-11 í hálvleikinum.

Dysturin byrjaði við høgari leikferð frá báðum liðum og komu nógv mál. Talan var um gott og skjótt hondbóltsspæl, har bæði liðini løgdu nógv fyri. Tá fyrri hálvleikur var hálvrunnin, vóru tað Føroyar, sum vóru frammanfyri 7-6. Føroyska liðið spældið við góðum hugflogið og øktu okkara og fóru til hálvleiks frammanfyri 15-11.

Føroyska verjuspælið var ikki eins gott fyrstu løtuna av seinna hálvleiki, men hildu okkara tó tørn í álopinum. Fleiri leikarar komu inn og stóðu teir seg væl og bjóðaðu allar inn við sínum. Støðan eftir 45 minuttir var 23-18 til Føroyar. Ísland minkaði niður trý mál, men svaraðu okkara aftur og koyrdu tað heim til endaligu støðuna 31-25.

Hjá Føroyum vóru tað serliga Bjørk Joensen og Maria Nólsoy, sum vóru eyðsýndar í bakketuni hjá Føroyum og sýndu frálíkt samanspæl, rútmu og timing sínamillum.

Føroyska liðið skal í juli mánaði spæla EHF Championship í Litava, har Føroyar eru í bólki saman við Spania, Turkalandi og Bulgaria.

Málskjúttar hjá Føroyum:
Bjørk Joensen 7
Maria Pálsdóttir Nólsoy 6
Barbara Hammer 3
Anna Elisabeth Halsdóttir Weyhe 3
Silja Heðinsdóttir 2
Hanna Dalsgarð 2
Karina Heinesen 2
Lukka Arge 2
Sára Lagos 1
Anna Mikkelsen 1
Karin Egholm 1
Maria Mrdalo 1

Kemilux nýggjur stórstuðul hjá HSF

28. september 2023

Hondbóltssambandið og Kemilux hava í dag skrivað undir samstarvsavtalu, har Kemilux verður ein av stórstuðlunum hjá HSF í 2024 og 2025.

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.