Í komandi viku fara føroysku U20-kvinnurnar til Serbia, har tær skulu spæla HM-undankapping.
Kappingin verður í døgunum 21. – 26. november í býnum Vrnjacka Banja. Vinnarin av kappingini fær pláss í HM-endapælinum, sum verður í juni í 2024 í Norðurmakedonia. Lið nr. 2 verður fyrsta eykalið til HM, í so fall at onkur tjóð velur ikki at luttaka.
Talan er um eitt sokallað millumumfar, har nr. 1 og 2 úr EHF Championship kappingunum í summar í Litava og Kosovo, og so lið nr. 15. og 16 úr EM-endapælinum í summar, kappast um eitt HM-pláss. Liðini, sum koma at kappast, eru ávikavist Spania, Føroyar, Italia, Serbia og Kroatia. Eysturríki hevði eisini rættin at luttaka, men hevur givið avboð.
Leiksskráin hjá Føroyum sær soleiðis út:
Týsdagin 21. nov. kl. 18.30 Kroatia – Føroyar
Mikudagin 22. nov. kl. 18.30 Føroyar – Italia
Hósdagin 23. nov. kl. 18.30 Spania – Føroyar
Leygardagin 25. nov. kl. 13.00 Føroyar – Serbia
Hesir leikarar eru úttiknir:
Málverjar:
Silja Arngrímsdóttir Müller, Neistin
Gylta á Neystabø, Kyndil
Útileikarar:
Anna Elisabeth Halsdóttir Weyhe, H71
Barbara Hammer, Kyndil
Bjørk Franksdóttir Joensen, Neistin
Bjørg á Líknargøtu, VÍF
Inga Maria Roysdóttir, Kyndil
Karin Egholm, H71
Karina Debes Heinsen, Kyndil
Lea Sesilia Lava Brockie, H71
Lukka Arge, H71
Maria Mrdalo, StÍF
Maria Pálsdóttir Nólsoy, Neistin
Sára Sundstein Lagos, VÍF
Silja Olivia Heðinsdóttir, Neistin
Venjaratoymi:
Simon Olsen, venjari
Christoffur Gert Nielsen, hjálparvenjari
Annika Magnusdóttir Arge, málverjavenjari
Ann-Mari Wang, liðleiðari
Sebastian Christensen, Fysioterapeut
