KD-Seafood nýggjur stórstuðul

Hondbóltssambandið og fiskasølan KD-Seafood hava skrivað undir sponsoravtalu, sum inniber at KD-Seafood verður ein av stórstuðlunum hjá HSF.

KD-Seafood var sett á stovn í 2003 og er høvuðsvirksemi hjá fyritøkuni global søla av laksi- og laksavørum. Kim Durhuus er eigari av fyritøkuni, og var hann á gólvinum hjá HSF herfyri, har nýggi sáttmálin var undirskrivaður saman við Gunn Ellefsen, starvsnevndarforvkvinnu í HSF.

– Til nýggja sáttmálan viðmerkir Kim Durhuus, at eins og KD-Seafood er ein altjóða handilsfyritøka, virkar føroyskur hondbóltur at vera vorðin alt meira globalur og sjónligur á altjóða pallinum. Tað er hugaligt at síggja føroyskar leikarar vikuliga á útlendskum sjónvarpsrásum, og verður tað eisini serstakliga spennandi at fylgja føroyska manslandsliðnum á tí heilt stóra sýnisglugganum, sum er EM-endaspælið í januar.

– Gunn Ellefsen sigur til nýggja samstarvið, at tað er hugaligt at vinnulívið vil stuðla og standa saman um landsliðini og føroyskan hondbólt. Vit fegnast um, at alt fleiri føroyskir leikarar spæla á hægsta stigi í fremstu deildunum í okkara grannalandonum, men tá okkara landsliðsleikarar nú eru spjaddir yvir 6 ymisk lond í norðureuropa, er tað samstundis avbjóðandi fíggjarliga at savna teir til venjingar og dystir. Í hesum samanhangi munar góður stuðul veruliga.

Avtalan við KD-Seafood er galdandi fram til 2026.

Atgongumerkjasøla til manslandsdystin

22. februar 2024

Í morgin, fríggjadagin 23. februar kl. 12.00, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo og kosta 150 kr.

Føroyar í potti 2

20. februar 2024

Føroyska manslandsliðið er styrkismett sum nummar 20 í Europa í løtuni. EHF hevur kunngjørt styrkismetingina undan lutakastinum til næstu EM-undankappingina. Føroyar verða sostatt í potti 2 av 4 til lutakastið.

Steypavinnarar 2024

20. februar 2024

Stóra Faxe Kondi steypafinaluvikuskiftið er farið afturum og var tiltakið aftur í ár sera væl vitja. 18 finalur vóru leiktar og hartil var eisini frálíka finalutiltakið saman við Eydnudeildini.